منتديات الاشباح ( مرحبا بشباب وبنات المنصورة ) ومصر والعالم العربي

منتدى عام شامل يحتوي على مواضيع ثقافية شبابية فكاهية حصرية بنات وولاد افلام واغاني والعاب و مواضيع دينية واسلامية و اخبار عامه ومواضيع عامة وكل ما يتعلق بشباب وبنات مصر والعالم العربي نرجو لكم اسعد الاوقات
 
الرئيسيةبحـثالتسجيلدخول

شاطر | 
 

 شوية صور ....( وهى الحياة إيه غير شوية صور ! )

اذهب الى الأسفل 
كاتب الموضوعرسالة
blue_Inside
ولادة شبح جديد
ولادة شبح جديد
avatar

ذكر
عدد الرسائل : 45
العمر : 29
الوظيفة : طالب
رقم العضوية : 8
تاريخ التسجيل : 17/03/2008

بـيـانـات النـشــاط
نشاط العضو:
10/100000  (10/100000)

مُساهمةموضوع: شوية صور ....( وهى الحياة إيه غير شوية صور ! )   2008-03-27, 7:16 pm







ما هي الحياة ايه غير شوية صور ...صورة واحد بيبكي ..وصورة واحد بيفرح ..صورة واحد بيبني وصورة واحد بيهدم ... صورة واحد بيحب وواحد بيكره ....هي دي الحياة شوية صور جنب بعض.
جبت مجموعة صور ...ما تيجوا نتكلم عليها شوية .

1



الصورة دي وقفتني قدامها كتير ...يا ترى العسكري الأمريكي ده بيعيط ليه ..وهو ماسك الطفل العراقي ده اللي مات في احدى الغارات الأمريكية ؟؟ يا ترى كان حاسس بأيه ساعتها يا ترى كان شعوره إيه وهو شايف إنه بين يوم وليلة تحول لقاتل وسط جيش من القتلة بيخرب بلاد لا هي حاربتهم ولا وقفت قصادهم ؟
صعب اوي انك تفضل ماشي في طريق غير الطريق اللي كنت راسمه لنفسك ...صعب اوي تعمل كل شيء انت كارهه صعب اوي تقتل وانت بتحب الحياة ..صعب اوي تكره وانت ما بتحبش غير كل الخير للناس ...
يا ترى كام إنسان في الدنيا دي صحى ولقى نفسه كده بقى في يوم وليلة ..انكتب يعيش حياته قاتل و سفاك دماء رغم انه من جواه انسان طيب .

2



الصورة دي عجبتني اوي ...كانت في محطة مصر بالأسكندرية ....مش عارف ساعات تمشي في الشارع تقول الشعب ده خلاص فقد الدين ...الشعب ده خلاص عليه العوض ...الشعب ده عايز ضرب الجذمة واللي بيعمله مبارك والحزب الوطني فيه حلال عليه .....ما يهمكش المناظر ...أحنا فقدنا الدين في معناه الحقيقي ..كله بيجري على مصلحته ويضر الباقيين ..كله مستعد يشفط دم كله .وناس بتاكل في بعضها وتكره وتحقد وتغل في نفسها على بقية الناس ...وكله عايش ممكن ما يكونش بيعمل حرام ..لكنه لو جتله فرصة حرام فهو بالتأكيد مش حيفوتها ....لكن مرة واحدة وفي نص كل العتمة دي بتظهر صورة وتقول والله الناس برده لسه فيها خير .

3



الصورة دي بقى لواحدة كانت بتبيع ذرة في الشارع ..وبعدين عدوا من جنبها الناس بتوع كفاية في مظاهرة ليهم ..لما عرفت انهم بيهتفوا ضد الرئيس فضلت تزرغد ...وقاموا حطوا لها لا لمبارك على صدرها ...لو كل الشعب زي الست دي ..لو كلنا ما خفناش لو كلنا اتكلمنا كان اكيد وضعنا ممكن حيكون حاجة تانية ..اكيد الست دي كانت خايفة زينا كلنا في يوم من الأيام ...اكيد كانت بتوصي عيالها يمشوا جنب الحيط ...وما يتكلموش في السياسة ..لكنها مرة واحدة حست انها لازم ترفع عن نفسها الخوف ..لازم تقول مرة واحدة في حياتها لأ ..لازم في لحظة تقول كفاية ..لازم تقول كفاية لنفسها الأول قبل ما تقولها لمبارك ..لازم تقول كفاية سلبية كفاية خوف كفاية نفاق بقى ..لو مرة واحدة فقنا في عمرنا . و مرة واحدة نفضنا سلبيتنا وخوفنا عننا .مرة واحدة بس ...مرة واحدة بس ...مرة واحدة يا عالم ...اكيد كان وضعنا ساعتها حيتغير كتير .

فكرتنى بمظاهرة كنا فيها برده ....وجت بعدها واحدة وفضلت برده تزغرط ...وقالت لنا انتوا عاملين مظاهرات ليه قلنا لها علشان فلسطين ..قالت طيب ما تتظاهروا علشان العيشة اللي بقت غالية ...احنا ما بقناش عارفين نأكل عيالنا .

4


هي دي الحرب ...ناس تكسب وناس تخسر .الصورة من المعارك الأخيرة في الصومال .اللي خسروا هربوا خارج البلاد على قوارب برعاية امريكية ...واللي كسبوا خلاص مسكوا الحكم ....لكن اللي مات مين يا ترى يفتكره مين يا ترى يمسح دموع الطفل ده..الطفل بيشد والدته ويصحيها ..وينادي عليها تصحى ...اصحي يا امي انا جعان ..انا تعبان انا عايز مسحة الحنان ...بكى علشان يضغط عليها نفسيا ً ..علشان تقوم بقى من نومها ..ماهو لازم كل يوم يضغط على اعصابها ويبكي علشان تصحى وتجري عليه ...تشوفه عايز منها إيه ..لكنه ما يعرفش انها خلاص ..دي النهاية ..نهاية امه وإنه خلاص مهما بكى عمرها ما حتصحى ..عمرها ما حتديله مسحة الحنان ...وانه اتكتب عليه انه يتيتم علشان قضية ما يعرفهاش ..و ناس ما يعرفهاش وهما برده مش عايزين يعرفوه

5




صورة ملفقة ..وغير حقيقية ..ومتركبة ..انتشرت على الأنترنت ان هذه جثة انسان عملاق من عصر سيدنا آدم عثر عليها في السعودية ..اعضاء منتدى تتبعوا الصورة واكتشفوا ان اصلها منتدى لملحدين يستهزأون بالأسلام وركبوا هذه الصورة ليتابعوا سذاجة المتدينين ( على حد قولهم )...الصورة رغم وضوح التركيب فيه ..ورغم سذاجة الفكر إلا انها تنتشر على النت انتشار النار في الهشيم ..هو ده الأنترنت في البلاد العربية...الأنترنت في البلاد العربية بقى اربع حاجات ..جنس ..وشات ..واغاني عريانة ..واشاعات فارغة .
للعلم من الصورة المتركبة وللأسف صورة الكعبة والمسجد النبوي وهي منورة من الأقمار الفضائية ...الصورة طلعت مزورة ..وغيرها وغيرها كتير جدا .و القصص المفبركة وغيرها ..اللي تنشر بأسم الدين كل يوم انت بتفتح ايميلك فبتلاقي ميت قصة كلها كذب ..وميت خبر كذب ...وميت صورة كذب ..هو ده الأنترنت ..هو ده النقلة العصرية في عالم المعلومات
كل الناس بتتقدم وإحنا والحمد لله قدرنا نستخدم ادوات التقدم علشان نتخلف اكتر ....بصراحة الوطن العربي بقى ......ماتت بيه النخوة

6


هي دي البلد ...عشر عساكر على كل مواطن ..هي دي البلد ...انا مش عايز اتكلم على المواطن المقهور انا عايز اتكلم على العسكري..العسكري ده طالع عينه ..كرامته ملغية ..العيشة مره عليه ..ممكن يكون ابوه او اخوه مش لاقيين ياكلوا ..مش لاقيين يتعالجوا ..ومع كده عنده اخلاص شديد في العمل ..مين اللي لغى شخصية العساكر دي ومسح امخاخها وخلاهم في يوم وليلة يبقوا اعداء لوطنهم ولأحلام وطنهم ..مين ؟؟؟ مين ؟؟
مين نكس الفطرة ..مين ربى في الناس دي حب العدوان مين ربى فيهم ان كلهم عايز يبقى مرضي عنه من الظابط فيقدم اكتر واكتر ..ويضرب اكتر ويقتل اكتر ويشوه ويعور اكتر واكتر .
مش العسكري بس اللي كده ..الطالب اللي بيمشي في الجامعة يدور على اسامي الطلبة الناشطين سياسيا علشان يبلغ عنهم ..والبقال اللي تحت البيت اللي شغال مرشد مباحث امن الدولة ..وصحابك اللي في الشغل ..اللي ما تقدرش تتكلم في السياسة قدامهم علشان ما يبلغوش عليك رئيسك ..مين اللي غير في الناس ..

هي دي مصر بلد الأمان ..هي دي مصر بلد الأمن ؟؟

اكيد النمرة غلط .

كفاية كده ...

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zozo_killer
الإدارة
الإدارة
avatar

ذكر
عدد الرسائل : 718
العمر : 24
الهواية : الانترنت وتنس الطاوله
الوظيفة : طالب ولاعب تنس طاوله
رقم العضوية : 2
الاوسمة :
تاريخ التسجيل : 14/03/2008

بـيـانـات النـشــاط
نشاط العضو:
400/100000  (400/100000)

مُساهمةموضوع: رد: شوية صور ....( وهى الحياة إيه غير شوية صور ! )   2008-03-28, 6:18 am

شكراااا

موضع جميل

وفعلا في حاجات حلوه وحاجات وحشه

_________________
حوده الشبح واللي يكلمه يدبح





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Newmatrixe
الإدارة
الإدارة
avatar

ذكر
عدد الرسائل : 138
العمر : 29
الهواية : المنصورة
الوظيفة : طالب بكلية الهندسة - مدني
رقم العضوية : 1
تاريخ التسجيل : 17/03/2008

بـيـانـات النـشــاط
نشاط العضو:
300/100000  (300/100000)

مُساهمةموضوع: رد: شوية صور ....( وهى الحياة إيه غير شوية صور ! )   2008-03-30, 2:43 am

موضوع مميز وو بيتكلم عن مشكلبة خطيرة فعلا

ربنا يصلح حال البلد ديه بقى يارب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://theghosts.hooxs.com/portal.htm
friendship
شبح لسه صغنطوط
شبح لسه صغنطوط
avatar

انثى
عدد الرسائل : 82
العمر : 27
الهواية : المنصوره
الوظيفة : طالبه
رقم العضوية : 6
تاريخ التسجيل : 19/03/2008

بـيـانـات النـشــاط
نشاط العضو:
50/100000  (50/100000)

مُساهمةموضوع: رد: شوية صور ....( وهى الحياة إيه غير شوية صور ! )   2008-03-30, 8:21 am

شكرا يابلو على التوبيك الجميل

الصور مش محتاجه تعليق تحتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohamed_eldrini
TWINS FOR EVER
TWINS FOR EVER
avatar

ذكر
عدد الرسائل : 61
العمر : 29
الهواية : كرة القدم والقراءة ومعرفة الاشياء الجديدة
الوظيفة : طالب في كلية الهندسة
رقم العضوية : 7
كيف حالك :
تاريخ التسجيل : 21/03/2008

بـيـانـات النـشــاط
نشاط العضو:
100/100000  (100/100000)

مُساهمةموضوع: رد: شوية صور ....( وهى الحياة إيه غير شوية صور ! )   2008-06-29, 3:38 am

مشكور يا بلو عليالصور الجميلة بتاعتك فعلا ديت الحقيقة اللي بتحصل اليومين دولت بس مين هيسمع او هيغير حاجة في النظام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوية صور ....( وهى الحياة إيه غير شوية صور ! )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاشباح ( مرحبا بشباب وبنات المنصورة ) ومصر والعالم العربي :: القسم العام :: المنتدي العام-
انتقل الى: