صولجانات الحجارة في تياترو -العجائب

دا شعر عامي للشاعر محمد الشرنوبي شاهين من كتاب الزمن الحرام قصيدة صولجانات الحجارة في تياترو العجائب
ودي بعض أجزاء منها مش كلها :
وانتوا يا أطفال فلسطين اليتيمة
بغتة جيتم بالجديد
تفتحوا للدنيا صندو العجايب
نظرة يا أهل المشارق والمغارب
تسوي ايه الفرجة في تياتروالمذلة
والمهاتة
أو علي المحكوم عليهم
حكم بالإعدام نهائي
قبل إثبات الإدانة
تسوي ايه الفرجة في بند المعونة
أو حسابات الإغاثة والإعانة
ناس في ايدها الموت وناس ما حصلتشي
ميزة الكلب المرخص
كل يوم السماوية تطخ فيهم
في نوافيخهم بتضرب
في اطارفهم تقصقص
والطغاة نفس الطغاة ما اتغيروش
غيروا شكل الجونتي في الإيدين
إنما التاريخ بيصرخ
اعرفوهم ...وإسألوهم
الهنود الحمر ..فين
والا قلم الثغرة في عز انتصارنا
جه منين.


نظرة يا أهل المشارق والمغارب
تسوي ايه الفرجة في تياترو العجايب
شعب نازل اسمه في كشوف الوسايا
والرعية
تابع المغضوب عليهم
من إله الأبعاديات الفقيرة
والغنية
تنفرط حبات عقوده
ينتهي عمره الأصيل والافتراضي
تتلغي رخصة وجوده
وإن ماكنشي
يبقي غير مسموح بإنه
ينفرد بالأرض أو يتشد عوده...



والقرار
القرا مختوم بخاتم
الإدارة الأسطورية
صاحبة البيت الهيلاماني
والولايات العفية
اللي من قبل المبادرة
واللي من بعد المبادرة
قطها الأبيض بياعب فوق شاشتنا
تمثيلية
إيد تصافحنا..وإيد
كل صابع فيها حربة
ضدنا ..ضد العروبة
والفلسطيني الضحية
ذنب غيره ..يكون مصيره
تحت رحمة
عقدة المنبوذ ..وعقدة
حمامات الدم في عصر النازية..


انتوا ياأطفال فلسطين اليتيمة
بغتة جيتم بالجديد
وابتدي رتم الإعادة للنشيد
والخيول قامت وراكوا تهز طولها
صهللت.بس بديولها
قايمة ترقص ليكوا تاني
رقصة الموت الزؤام
وسط جوقة بوم بتعزف
سيمفونية
لحن شعارات السلام....